जोगवडी -कोळविहीरे रस्त्याची दुरावस्था ,वाहन चालकांची वाहन चालवताना होते कसरत.खड्यांमुळे अपघाताची शक्यता.
SB 24 NEWS LIVE .
प्रतिनिधी -जोगवडी .
जोगवडी -कोळविहीरे रस्त्याची दुरावस्था ,वाहन चालकांना करावी लागते कसरत.बारामती व पुरंदर तालुक्यांना जोडणारा जिल्हा मार्गाचे अनेक वर्षांपासून दुरावस्था झाल्याचे चित्र दिसून येतं आहे .बारामती तालुक्यातील मुर्टी ,जोगवडी ,तावरे वस्ती ,चोपडज वाकी व विविध भा

गातून लोकं जेजुरी येथील औद्योगिक वसाहत (MIDC )मध्ये कामाला जातं असतात हे सर्व जण दुचाकी वर प्रवास करतं असतात .जोगवडी ते कोळविहीरे गावचे अंतर अगदी कमी असले तरी येथील रस्त्याच्या दुरावस्थे मुळे वाहन चालकांना मानसिक व शारिरीक त्रास सहन करावा लागतं आहे .अनेक खड्डे चुकवत असताना ओव्हर टेक करत असताना अपघाताची शक्यता ही ज्यास्त असल्याने चालक चिंताग्रस्त होतं आहे .
जोगवडी कोळविहीरे रस्त्याचा वापर करताना नविन गाडी देखील लवकरच खराब होतं आहे .दुचाकी चालक तरुणांचे मनके देखिल गेले असल्याने या रस्त्यामुळे अनेक तरुण बेरोजगार देखिल झाले असल्याचे नागरिक सांगत आहेत.
पुणे जिल्हा परिषदे अंतर्गत या रस्त्याचे काम लवकरात लवकर सुरु व्हावे अशी मागणी वाहन चालक करत आहेत.

The post जोगवडी -कोळविहीरे रस्त्याची दुरावस्था ,वाहन चालकांची वाहन चालवताना होते कसरत.खड्यांमुळे अपघाताची शक्यता. appeared first on SB 24 NEWS.

आसमानी संकटानां तोंड देत महाराष्ट्र राज्य लोकसेवा आयोग द्वारे बिलीफ लिपिक ( न्यायालयीन ) पदी अक्षय शेलार चे घवघवीत यश.

अनेक आसमांनी संकटाना तोंड देऊन महाराष्ट्र लोकसेवा आयोग (MPSC ) परिक्षा द्वारा बेलीफ लिपिक पदी अक्षय शेलार याचा राज्यात १४ वा नंबर ने उतीर्ण .
SB 24 NEWS LIVE – प्रतिनिधी –मोरगाव
बारामती तालुक्यातील जिरायत भाग म्हणुन ओळखल्या जाणार्या मुर्टी गावातील सामान्य कुटुंबातील अक्षय निर्मला बाळासो शेलार याची महाराष्ट्र लोकसेवा आयोगा मार्फत बिलीफ क्लार्क परिक्षेत यश मिळवले .
अक्षय हा जिद्द ,चिकाटी व मेहनती मुलगा असून तो सध्या पुणे जिल्हा मध्यवर्ती बँक शाखा मोरगाव येथे लिपिक या पदावर काम करत आहे .चार वर्षांपुर्वी अक्षय पी एस आय परिक्षेला जात असताना त्याच्या वडीलांचे निधन झाले होते .या दुखातून सावरत असताना वा संपुर्ण कुटुंबाची जबाबदारी खांद्यावर पडल्याने काही मार्क्सने पी एस आय पद हुकले .
वडीलांना वर्ष होऊन गेल्या नंतर दुसर्या व तिसर्या वर्षी ही अक्षय च्या आयुष्यात संकटे येतं होती परंतू या संकटानां त्याने निधड्या छातीने तोंड देत महाराष्ट्र लोकसेवा आयोगाच्या बिलीफ क्लार्क या पदाला गवसणी घालत संकटाला तोंड देत घवघवीत यश मिळवले.
या यशा मुळे अक्षय चे संपुर्ण कुटुंब , पाहुणे , मित्र मंडळ व मुर्टी ग्रामस्थां कडून अभिनंदन होतं आहे .
मुर्टी गावात अनेक जण महाराष्ट्र लोकसेवा आयोगाची परिक्षा देऊन यश मिळवणारे असले तरी चिरेखाणवाडीतील पहीलाच व्यक्ती अक्षय शेलार असल्याने वाडीतील नागरिकांनी अभिमान व्यक्त करत भविष्यात अक्षय सारखे बनन्याचा सल्ला शालेय विद्यार्थ्यांना दिला आहे.

The post आसमानी संकटानां तोंड देत महाराष्ट्र राज्य लोकसेवा आयोग द्वारे बिलीफ लिपिक ( न्यायालयीन ) पदी अक्षय शेलार चेघवघवीत यश. appeared first on SB 24 NEWS.

बारामती सत्र न्यायालयाचा दणका: अल्पवयीन मुलीवरील अत्याचार प्रकरणी बापाला जन्मठेप; सावत्र आई निर्दोष मुक्त!

​ ॲड. अमोल सोनवणे यांच्या प्रभावी युक्तिवादांमुळे सहआरोपी सावत्र आईची निर्दोष सुटका.

SB 24 NES LIVE- बारामती | प्रतिनिधी
अल्पवयीन मुलीवर वारंवार लैंगिक अत्याचार करून तिला गर्भवती केल्याप्रकरणी बारामती येथील अतिरिक्त जिल्हा व सत्र न्यायालयाने पिडीतेच्या नराधम बापाला जन्मठेपेची शिक्षा सुनावली आहे. तसेच पिडीतेला पाच लाख रुपये नुकसानभरपाई देण्याचे आदेश दिले आहेत. विशेष म्हणजे, याच खटल्यातील सहआरोपी असलेल्या सावत्र आईची न्यायालयाने पुराव्या अभावी निर्दोष मुक्तता केली आहे. एकाच खटल्यात मुख्य आरोपीला कठोर शिक्षा आणि सहआरोपीची निर्दोष मुक्तता झाल्यामुळे बारामती सह संपूर्ण परिसरात या निकालाची जोरदार चर्चा सुरू आहे.
वीटभट्टीवरील वास्तव्यातील धक्कादायक घटना
या प्रकरणातील मुख्य आरोपी हा पीडितेचा स्वतःचा जन्मदाता वडील आहे. सन २०२२ मध्ये तो पीडिता आणि तिच्या सावत्र आईसह वीटभट्टीवर कामासाठी गेला होता. २७ डिसेंबर २०२२ पासून वडिलांनी अल्पवयीन मुलीवर वारंवार लैंगिक अत्याचार केले आणि याबाबत कोणाला सांगितल्यास जीवे मारण्याची धमकी दिली, असा गंभीर आरोप होता. दरम्यानच्या काळात पीडिता गर्भवती असल्याची माहिती समोर आल्यानंतर वीटभट्टी मालकाच्या पत्नीने तिच्या नातेवाईकांशी संपर्क साधून घटनेची माहिती दिली. त्यानंतर पिडीतेला उपचारासाठी शासकीय रुग्णालयात दाखल करण्यात आले आणि या प्रकरणी दौंड पोलीस ठाण्यात गुन्हा दाखल करण्यात आला.
सावत्र आईवरही गंभीर आरोप होता.
तपासादरम्यान, पिडीतेने घडलेल्या प्रकाराची सर्व माहिती सावत्र आईला दिल्यानंतर तिनेही जीवे मारण्याची धमकी दिल्याचा आणि कथित गुन्ह्याला प्रोत्साहन दिल्याचा आरोप ठेवण्यात आला होता. या आरोपावरून पोलिसांनी सावत्र आईलाही अटक केली होती आणि तिला येरवडा मध्यवर्ती कारागृहात ठेवण्यात आले होते. तिच्याविरुद्ध न्यायालयात दोषारोपपत्र दाखल झाले होते.

ॲड. अमोल सोनवणे यांचा प्रभावी युक्तिवाद ठरला निर्णायक
आरोपी क्रमांक २ असलेल्या सावत्र आईच्या वतीने ॲड. अमोल सोनवणे यांनी न्यायालयात बाजू मांडली.

साक्षीदारांच्या उलटतपासणीदरम्यान प्रकरणातील महत्त्वाच्या बाबींची सखोल छाननी करण्यात आली. आरोपी क्रमांक २ हिच्यावरील आरोपांचे स्वरूप, तिची कथित भूमिका आणि तिच्याविरुद्ध उपलब्ध पुरावे यांचा स्वतंत्रपणे विचार व्हावा, असा युक्तिवाद बचाव पक्षातर्फे करण्यात आला.
“एखाद्या व्यक्तीविरुद्ध गंभीर आरोप असले तरी, तिची गुन्हेगारी जबाबदारी कायदेशीर पुराव्यांच्या आधारे सिद्ध होणे आवश्यक असते,” या कायदेशीर तत्त्वावर भर देत ॲड. सोनवणे यांनी लेखी व तोंडी युक्तिवाद केला. साक्षीदारांच्या साक्षींचे परीक्षण आणि कायदेशीर मुद्द्यांची अचूक मांडणी यामुळे न्यायालयाचा सावत्र आईच्या भूमिके पाहण्याचा दृष्टिकोन स्पष्ट झाला.
बापाला जन्मठेप आणि ५ लाखांची भरपाई
या खटल्यात एकूण १२ साक्षीदार तपासण्यात आले. न्यायालयासमोर आलेले पुरावे, साक्षी आणि दोन्ही बाजूंचे म्हणणे विचारात घेतल्यानंतर, अतिरिक्त जिल्हा व सत्र न्यायाधीश एस. आर. पाटील यांनी मुख्य आरोपीला जन्मठेपेची शिक्षा सुनावली. तसेच, पिडीतेला ५ लाख रुपये नुकसानभरपाई देण्याचे आदेश दिले. याचवेळी, पुराव्यांचे स्वतंत्र परीक्षण करत न्यायालयाने सावत्र आईची निर्दोष मुक्तता केली. गंभीर गुन्ह्याच्या खटल्यात प्रत्येक आरोपीची भूमिका स्वतंत्रपणे तपासणे किती गरजेचे असते, हे या निकालाने अधोरेखित केले आहे.या संपूर्ण खटल्यात ॲड. अमोल सोनवणे यांना सहकारी विधीज्ञ अविनाश जाधव, रितिक गायकवाड, राजरत्न ताकतोडे, वैभव झगडे, राहुल गिरमे, सागर खरात, ॲड. रवींद्र सोनवणे आणि लीगल एड पॅनेलचे ॲड. सुमित पाटील यांचे बहुमूल्य सहकार्य लाभले.

The post बारामती सत्र न्यायालयाचा दणका , अल्पवयीन मुलीवरील अत्याचार प्रकरणी बापाला जन्मठेप तर सावत्र आईची निर्दोष मुक्तता. सावत्र आईचे वकील म्हणुन अॅडो .अमोल सोनवणे यांचा योग्य युक्तीवाद केला . appeared first on SB 24 NEWS.

बारामतीच्या प्रातांकडून मुर्टी व मोढवे येथील पिकांची पहाणी .
मुर्टी व सात गावांना पाणी पुरवठा करणार्या जल जीवन प्राधिकरणाला देखिल दिली भेट.

बारामतीच्या प्रातांकडून मुर्टी व मोढवे येथील पिकांची पहाणी .
मुर्टी व सात गावांना पाणी पुरवठा करणार्या जल जीवन प्राधिकरणाला देखिल दिली भेट.
SB 24 NEWS LIVE – प्रतिनिधी .
दुष्काळी परिस्थितीच्या पार्श्वभुमिवर बारामती तालुक्यातील मुर्टी गावाला बारामतीचे प्रांताअधिकारी उत्तम दिघे यांनी भेट दिली .खरीपातील पिकांची पाहणी करुन समस्या जाणून घेतल्या .
पश्चिम भागात बाजरी , मूग ,मटकी ,हुलगा ,भुईमूग ,
सुर्यफूल ही पिके पावसा अभावीजळून गेली आहेत .दि २ ऑक्टोंबर रोजी मुर्टी येथे बारामती तालुका प्रांतअधिकारी दिघे यांनी कांदा ,बाजरी पिकांची पहाणी करुण शेतकर्यांच्या समस्या जाणून घेतल्या .या वेळी मोरगाव मंडल अधिकारी प्रमिला लोखंडे, मुर्टी गावचे ग्राममहसूल अधिकारी श्री संदिप आहिरे,मुर्टी गावच्या ग्रामविकास अधिकारी सौ रोहिणी पवार ,सोमेश्वर साखर कारखान्याचे माजी संचालक लालासो नलवडे,उपसरंपच किरण जगदाळे ,हरिमामा जगदाळे ,पोलीस पाटील तृप्ती गदादे ,दिनेश भोसले व इतर ग्रामस्थ उपस्थित होते .मुर्टी येथील बाजरी पिकाचे परिक्षण करताना प्रांताधिकारी यांनी ग्राममहसूल अधिकारी व मंडलअधिकारी यांना पिके हिरवी असलेली परंतू त्याची पुर्ण वाढ न झालेल्या पिकांचा पंचनामा करण्याच्या सुचना दिल्या आहेत .
उपसरपंच किरण जगदाळे यांनी प्रांताअधिकारी दिघे साहेबांना जल जीवन प्राधिकरण या योजनेची पहाणी करण्याची विनंती केली असता दिघे साहेबांनी प्राधिकरण योजनेची पहाणी करुन संबंधित अधिकारी व लोकप्रतिनिधींची मिटींग आचार संहिता झाल्यावर लावून योग्य तो उपाय करण्याचे आश्वासन दिले आहे तसेच पुरंदर उपसा सिंचन बाबत देखिल योग्य ती दखल देण्याचे आश्वासन दिल्याने ग्रामस्थांनी समाधान व्यक्त केले .

The post बारामतीच्या प्रातांकडून मुर्टी व मोढवे येथील पिकांची पहाणी . मुर्टी व सात गावांना पाणी पुरवठा करणार्या जल जीवन प्राधिकरणाला देखिल दिली भेट. appeared first on SB 24 NEWS.

महाराष्ट्र राज्याचे कृषी मंत्री दत्तामामा भरणे यांची बारामती तालुका दुष्काळ पहाणी दौरा , शेतकर्यांना शासनाकडून पुर्णपणे मदत करणार असल्याचे कृषी मंत्री भरणे यांचे आश्वासन .
SB 24 NEWS LIVE –
मुर्टी प्रतिनिधी .
सध्या महाराष्ट्र राज्यात प्रखरपणे दुष्काळ जाणवतं असून संपुर्ण शेतकरी वर्ग चिंताग्रस्त दिसतं आहे.
दिनांक २३ सप्टेंबर २०२६ रोजी राज्याचे कृषी मंत्री दत्ता मामा भरणे यांनी इंदापुर ,दौंड व बारामती तालुक्यात दौरा केला.बारामती तालुक्यातील गेली अनेक वर्ष दुष्काळी गाव म्हणुन ओळख असणारे मुर्टी गावातील एका शेत बांधावर भरणे यांनी पहाणी केली .बाजरीचे पिक व इतर पिके ही पाण्या अभावी धोक्यात असल्याचे या वेळी कृषी मंत्री भरणे यांनी सांगितले .महाराष्ट्र शासना तर्फे शेतकर्यांना आर्थिक मदत मिळवून देण्याचे आश्वासन देखिल या वेळी दिले .मुर्टी येथील पिके पहाताना अनेक शेतकर्यांनी आपल्या व्यथा कृषी मंत्री यांना सांगितल्या .दत्ता मामा भरणे यांनी त्या शांतपणे ऐकून घेतल्या व या समस्यांवर राज्य शासनाकडून शेतकर्यांना परिपुर्ण मदत करणार असल्याचे ही त्यांनी सांगितले .बारामती येथील मुर्टी दुष्काळ दौरा करत असताना त्यांच्या सोबतं विद्यमान पुणे जिल्हा वीरधवल जगदाळे ,पुणे जिल्हा सदस्या सौ रोहिणी ढोले ,बारामती पंचायत समितीचे सभापती किरण तावरे ,बारामती पंचायत समिती सदस्य तथा गटनेेते बाबासाहेब चोरमले ,सोमेश्वर सहकारी साखर कारखान्याचे माजी संचालक लालासाहेब नलवडे ,निरा कृषी उत्पन्न बाजार समितीचे संचालक बाळासो गुलाब जगदाळे ,मुर्टी गावच्या सरपंच सौ कोमल प्रशांत जगताप ,उपसरपंच किरण जगदाळे ,अरविंद जगदाळे ,मोहन जगदाळे ,तानाजी राजपुरे ,रविंद्र शिंदे व ग्रामस्थ ,शेतकरी उपस्थित होते .

The post महाराष्ट्र राज्याचे कृषी मंत्री दत्तामामा भरणे यांची बारामती तालुका दुष्काळ पहाणी दौरा , शेतकर्यांना शासनाकडून पुर्णपणे मदत करणार असल्याचे कृषी मंत्री भरणे यांचे आश्वासन . appeared first on SB 24 NEWS.

जानाई शिरसाई उपसा सिंचन योजनेच्या विविध मागण्यांसाठी शेतकरी संघर्ष कृती समितीचे २ ऑक्टोंबर पासून उपोषण.
SB 24 NEWS LIVE .
सुपे – प्रतिनिधी .
बारामती,दौंड ,पुरंदर या तीन तालुक्यांना वरदान ठरलेल्या जानाई शिरसाई योजना १९९४ साली सुरु झालेली ही योजना अत्ता मोडकळीस आली आहे .
बारामती तालुक्यातील सुपे व पंचक्रोशीतील शेतीला या योजने द्वारे पाणी दिले जाते .
जानाई शिरसाई योजनेचा अनेक वर्ष दुरुस्ती न केल्या मुळे तसेच बंद पाईप लाईन पुरवठ्या द्वारे पाणी येतं नसल्याने शेतातील पिके जळतं असल्याने येथील शेतकरी संघर्ष कृती समितीने बंद पाईप लाईन ची मागणी केली असून जर मागणी पुर्ण नाही झाली तर २ ऑक्टोंबर म्हणजेच महात्मा गांधी जयंती दिवशी अमरण उपोषणाचा ईशारा शेतकरी संघर्ष कृती समितीने दिला आहे .

“”१९९४ साली जानाई शिरसाई योजना सुपे गावाला वरदान ठरली होती .४५० रुपये खोटी खर्च करुन ही योजना सुरु केली होती .या योजनेला अत्ता ३३ वर्ष पुर्ण झाली असून या योजने द्वारे मिळणारे पाणी गळती होतं असल्याने पुरेशा पाण्या अभावी पिके जळून जातं आहे .
या साठी आम्ही राज्य शासनाकडे बंद पाईप लाईन योजनेची व इतर मागण्या केल्या असून बंद पाईप लाईन साठी शासनाने निधी दिला असला तरी ही योजना आज तागायती कागदावर असून प्रत्यक्ष अंमल बजावणी कधी होईल ? या साठी शेतकरी संघर्ष कृती समिती तर्फे २ ऑक्टोंबर रोजी आमरण उपोषण करणार आहोत.””
पोपट तात्या खैरे .
अध्यक्ष शेतकरी संघर्ष कृती समिती सुपे ,सदस्य -खडकवासला कालवा सल्लागार समिती.

The post जानाई शिरसाई उपसा सिंचन योजनेच्या विविध मागण्यांसाठी शेतकरी संघर्ष कृती समितीचे २ ऑक्टोंबर पासून उपोषण. appeared first on SB 24 NEWS.

रविंद्र बापु जाधव यांना जय मल्हार क्रांती संघटनेच्या वतीने युवा समाज रत्न पुरस्काराने सन्मानित.
SB 24 NEWS LIVE .
मोरगाव प्रतिनिधी –
बारामती तालुक्यातील श्री मयुरेश्वर तिर्थ क्षेत्र असलेल्या मोरगाव गावातील सामाजिक कार्यकर्ते तथा जय मल्हार क्रांति संघटनेचे महाराष्ट्र राज्याचे युवक सचिव रविंद्र उर्फ बापु जाधव यांना युवा समाज रत्न पुरस्काराने सन्मानित केले .
रविंद्र बापु जाधव हे मोरगाव येथील सर्व सामान्य कुटुंबातील असून ते मोरगाव येथील सामाजिक ,शैक्षणिक कार्यात ते नेहमीच सक्रीय असतात.
रामोशी समाजातील कोणत्याही कुटुंबावरती वा व्यक्तींवर कसल्याही प्रकारचा अन्याय झाला तर जय मल्हार क्रांती संघटनेचे संस्थापक तथा राष्ट्रीय अध्यक्ष श्री दौलतनाना शितोळे यांच्या मार्गदर्शनाखाली ते न्याय मिळवून देण्यासाठी अहोरात्र प्रयत्नशील असतात.
नुकतीच भिवरी येथे राजे उमाजी नाईक यांची शासकीय जयंती साजरी करण्यात आली .या जयंती दिवशी रविंद्र बापु जाधव यांच्या नावाची घोषणा झाली .दिनांक १० सप्टेंबर रोजी पाटस येथील जय मल्हार क्रांती संघटना यांच्या वतीने राजे उमाजी नाईक जयंतीच्या कार्यक्रमात रविंद्र बापु जाधव यांना युवा समाज रत्न पुरस्कार दौलत नाना शितोळे यांच्या हस्ते प्रदान करण्यात आला .
या पुरस्काराने रविंद्र बापु जाधव यांचे मित्र परिवार ,मोरगाव व पंचक्रोशीतून अभिनंदनाचा वर्षाव होतं आहे.

”

जय मल्हार क्रांती संघटना यांच्या वतीने मला युवा समाज रत्न पुरस्कार दिल्याने मी संघटनेचा तसेच श्री दौलत नाना शितोळे यांचा कायम आभारी राहीन .या पुरस्कारा मुळे मला एक नवी प्रेरणा मिळाल्याने मी समाज हितासाठी वा श्री दौलत नाना शितोळे तसेच जय मल्हार क्रांती संघटने शी कायम एकनिष्ठ राहून नानांच्या मार्गदर्शना खाली काम करत राहीन .”
रविंद्र बापु जाधव .
युवक सचिव -जय मल्हार क्रांती संघटना महाराष्ट्र राज्य.

 

The post रविंद्र बापु जाधव यांना जय मल्हार क्रांती संघटनेच्या वतीने युवा समाज रत्न पुरस्काराने सन्मानित. appeared first on SB 24 NEWS.

मुर्टी मध्ये दुचाकी चोरीचे प्रमाण वाढले , दर मंगळवारी एक दुचाकी गावातून होते चोरी .वाहन पालक चिंतेत.
SB 24 News Live
मुर्टी प्रतिनिधी .
वडगाव निंबाळकर पोलीस स्टेशन च्या हद्दीतील मुर्टी येथील सलग दोन आठवडे दुचाकींची चोरी झाली आहे .२५ ऑगस्ट मंगळवार या दिवशी अंकुश पिलोबा मोरे यांची दुचाकी स्पेलंडर कंपनीची MH 12 GG 4046 या नंबरची गाडी दुपारी ३ वाजता चोरीला गेल्याची माहिती पोलीस पाटील तृप्ती गदादे यांनी दिली .या घटने संदर्भात पोलीस चौकीत तक्रार नसल्याचे ही समजले.दुसर्या मंगळवारी दि-१ ऑगस्ट रोजी ही एक दुचाकी गायब झाली असून संबंधितील दुचाकी कंपनी व गाडी नंबर माहित नाही दुचाकीचे मालक गुंड्याबा कारंडे यांची असल्याचे समजले कागदपत्रा अभावी गुन्हा दाखल नसल्याचे समजले .दि ९ ऑगस्ट वार मंगळवार रोजी रात्री पावणे आकराच्या सुमारास मुर्टी ग्रामपंचायतीच्या समोरून संतोष मारुती शिंदे यांची रोजी Hero hf delux गाडी नंबर MH 42 AW 3460 यांची गाडी चोरीला गेली आहे. या संबंधित करंजे पोलीस चौकीत गुन्हा नोंदवला असून तपास सुरु असल्याचे समजले .
सततच्या आठवडे बाजारा मधून वाहन चोरीस जात असल्याने दुचाकी वाहन मालक चिंताग्रस्त पहायला मिळतं आहेत.
मुर्टी ग्रामपंचायतीचे सीसीटीव्ही गेल्या १ वर्षाहून अधिक काळ बंद असल्याने तपासाला अडथळा निर्माण होतं असल्याचे पोलीस प्रशासनाने सांगितले आहे .सीसीटीव्ही लवकरात लवकर दुरुस्ती करावे अशी मागणी मुर्टी ग्रामस्थांनी केली.मुर्टी मध्ये चोरीचे प्रमाण वाढतं असल्याने गावातील ,वाडीवस्त्यातील तरुणांनी स्वताच्या परिसरात देखभाल करावी व नागरिकांनी आपले मौल्यवान वस्तू ,दुचाकी वाहन हे सुरक्षित ठेवावे .असे आवाहन मुर्टी गावच्या पोलीस पाटील सौ.तृप्ती देविदास गदादे .
यांनी केले आहे.

The post मुर्टी मध्ये दुचाकी चोरीचे प्रमाण वाढले , दर मंगळवारी एक दुचाकी गावातून होते चोरी .वाहन पालक चिंतेत. appeared first on SB 24 NEWS.

वडगाव निंबाळकर पोलीस स्टेशन च्या सहाय्यक पोलीस निरिक्षक जीवन मोहिते यांचा अप्पर पोलीस अधिक्षकांच्या हस्ते गौरव .
SB 24 NEWS LIVE .
वडगाव निंबाळकर -प्रतिनिधी .
वडगाव निंबाळकर पोलीस ठाण्याच्या हद्दीतील विविध चोरीच्या गुन्ह्यांचा तपास करुन तब्बल १० गुन्हे उघडकीस आणण्यात पोलिसांना यश आले आहे .
या उल्लेखनिय कामगिरी बद्दल वडगाव निंबाळकर पोलीस ठाण्यातील सहाय्यक पोलीस निरिक्षक जीवन मोहिते यांचा अप्पर पोलीस अधिक्षक गणेश बिरादार यांच्या हस्ते गौरव करण्यात आला .
वडगाव निंबाळकर पोलीस ठाण्याच्या हद्दीत घडलेल्या चोरीच्या घटनांचा गांभीर्याने तपास करण्यात आला .
हे गुन्हे अगदी कमी कालावधीत विविध चोरींच्या गुन्ह्यांचा छडा लावत १० गुन्हे उघडकीस आणण्यात जीवन मोहिते यांची महत्वपुर्ण भुमिका ठरली .त्यांच्या या उत्कृष्ठ कामगिरी मुळे नागरिकां मधून समाधान व्यक्त होत असून पोलिसांच्या कार्यक्षमतेचे कौतुक होतं आहे.विविध बाबींचा बारकाईने तपास करुन पोलिसांनी गुन्ह्याचा छडा लावला .नागरिकांमध्ये सुरक्षिततेची भावना निर्माण करण्यास या कारवाईमुळे मदत झाली असून गुन्हेगारांवर पोलीसांची करडी नजर असल्याचा संदेशही यातून मिळाला .
भविष्य काळात कोणत्याही प्रकारचा गुन्हा घडू नये यासाठी वडगाव निंबाळकर पोलीस स्टेशन कायम सतर्क राहील.असे ही यावेळी मोहिते यांनी सांगितले .
या उल्लेखनीय कामगिरीची दखल घेतं अप्पर पोलीस अधिक्षक गणेश बिरादार यांनी सहाय्यक पोलीस निरिक्षक जीवन मोहिते यांना प्रशस्तीपत्र देऊन अभिनंदन केले . नागरिकांच्या सुरक्षतेसाठी व गुन्हेगारीला आळा बसवण्यासाठी वडगाव निंबाळकर पोलीस ठाण्याचे प्रयत्न सुरु असल्याचे यावेळी स्पष्ट करण्यात आले.

The post वडगाव निंबाळकर पोलीस स्टेशन च्या सहाय्यक पोलीस निरिक्षक जीवन मोहिते यांचा अप्पर पोलीस अधिक्षकांच्या हस्ते गौरव . appeared first on SB 24 NEWS.

*आदर्श पत्रकार पुरस्काराने कृष्णमुर्ती जगताप सन्मानित*
SB 24 NEWS LIVE -प्रतिनिधी .

पुणे (बारामती) – एम.सी.एन न्यूज मराठीच्या वतीने देण्यात येणारा ‘आदर्श पत्रकार पुरस्कार’ पुणे जिल्हा प्रतिनिधी कृष्णमुर्ती पांडुरंग जगताप यांना देण्यात आला.एम.सी.एन न्यूज मराठीच्या 13 व्या वर्धापन दिनानिमित्त सामाजिक,सांस्कृतिक व शैक्षणिक,वैद्यकीय,पत्रकारीता क्षेत्रात उल्लेखनीय कार्य करणाऱ्या मान्यवरांचा आदर्श पत्रकार पुरस्कार देऊन गौरव करण्यात आला,त्यामध्ये उल्लेखनीय कार्य करणारे उपमुख्यमंत्री वैद्यकिय मदत कक्ष बारामती शहर कक्षप्रमुख,एम.सी.एन न्यूज मराठीचे पुणे जिल्हा प्रतिनिधी पत्रकार श्री.कृष्णमुर्ती पांडुरंग जगताप यांना आदर्श पत्रकार पुरस्काराने सन्मानचिन्ह व पुष्पगुच्छ देऊन सन्मानित करण्यात आले.यावेळी उद्घाटक श्री.शैलेश काळे (उपविभागीय अधिकारी जळगाव जामोद), श्री.पवन पाटील (तहसीलदार), डॉ.सुरज जाधव (मुख्याधिकारी,नगरपरिषद जळगाव जामोद),ॲड.संदीप उगले,श्री.निलेश काळे,श्री.रमेश जाधव,श्री.अमोल चौधरी,डॉ.वाकेकर,श्री.संदीप देशमुख,डॉ.किशोर कला,श्री.सचिन तायडे,मुख्य संपादक शामभाऊ तायडे व संपादक राजुभाऊ वाढे यांच्या शुभहस्ते सरोजदेवी किसनलालजी कला सहकार विद्या मंदिर, बुऱ्हाणपूर रोड,जळगाव जामोद येथे एम.सी.एन न्यूज मराठीच्या वर्धापनदिन कार्यक्रम सोहळ्यात प्रदान करण्यात आला.यावेळी मान्यवरांसह महाराष्ट्र राज्यातील प्रतिनिधी व वाचकवर्ग मोठ्या प्रमाणावर उपस्थित होते.त्यांचे वैद्यकिय,सामाजिक,शैक्षणिक व पत्रकार क्षेत्रात उल्लेखनीय योगदान असल्यामुळे त्यांना हा उत्कृष्ट पत्रकार पुरस्कार प्रदान करण्यात आला.त्यामुळे त्यांचे सर्वत्र कौतुक व अभिनंदन केले जात आहे.

The post बारामती एम.सी .एन (M.C.N.न्युज चे बारामती तालुक्याचे प्रतिनिधी कृष्णमुर्ती पांडुरंग जगताप यांना आदर्श पत्रकार पुरस्काराने सन्मानित . appeared first on SB 24 NEWS.