वडगाव निंबाळकर पोलीस स्टेशन च्या सहाय्यक पोलीस निरिक्षक जीवन मोहिते यांचा अप्पर पोलीस अधिक्षकांच्या हस्ते गौरव .
SB 24 NEWS LIVE .
वडगाव निंबाळकर -प्रतिनिधी .
वडगाव निंबाळकर पोलीस ठाण्याच्या हद्दीतील विविध चोरीच्या गुन्ह्यांचा तपास करुन तब्बल १० गुन्हे उघडकीस आणण्यात पोलिसांना यश आले आहे .
या उल्लेखनिय कामगिरी बद्दल वडगाव निंबाळकर पोलीस ठाण्यातील सहाय्यक पोलीस निरिक्षक जीवन मोहिते यांचा अप्पर पोलीस अधिक्षक गणेश बिरादार यांच्या हस्ते गौरव करण्यात आला .
वडगाव निंबाळकर पोलीस ठाण्याच्या हद्दीत घडलेल्या चोरीच्या घटनांचा गांभीर्याने तपास करण्यात आला .
हे गुन्हे अगदी कमी कालावधीत विविध चोरींच्या गुन्ह्यांचा छडा लावत १० गुन्हे उघडकीस आणण्यात जीवन मोहिते यांची महत्वपुर्ण भुमिका ठरली .त्यांच्या या उत्कृष्ठ कामगिरी मुळे नागरिकां मधून समाधान व्यक्त होत असून पोलिसांच्या कार्यक्षमतेचे कौतुक होतं आहे.विविध बाबींचा बारकाईने तपास करुन पोलिसांनी गुन्ह्याचा छडा लावला .नागरिकांमध्ये सुरक्षिततेची भावना निर्माण करण्यास या कारवाईमुळे मदत झाली असून गुन्हेगारांवर पोलीसांची करडी नजर असल्याचा संदेशही यातून मिळाला .
भविष्य काळात कोणत्याही प्रकारचा गुन्हा घडू नये यासाठी वडगाव निंबाळकर पोलीस स्टेशन कायम सतर्क राहील.असे ही यावेळी मोहिते यांनी सांगितले .
या उल्लेखनीय कामगिरीची दखल घेतं अप्पर पोलीस अधिक्षक गणेश बिरादार यांनी सहाय्यक पोलीस निरिक्षक जीवन मोहिते यांना प्रशस्तीपत्र देऊन अभिनंदन केले . नागरिकांच्या सुरक्षतेसाठी व गुन्हेगारीला आळा बसवण्यासाठी वडगाव निंबाळकर पोलीस ठाण्याचे प्रयत्न सुरु असल्याचे यावेळी स्पष्ट करण्यात आले.

SB 24 NEWS

SB 24 NEWS LIVE पोर्टल वर बातम्या व जाहीरातीसाठी

मुख्यसंपादक -शरद भगत.

संपर्क -7756089343

sb24news.live

The post वडगाव निंबाळकर पोलीस स्टेशन च्या सहाय्यक पोलीस निरिक्षक जीवन मोहिते यांचा अप्पर पोलीस अधिक्षकांच्या हस्ते गौरव . appeared first on SB 24 NEWS.

माळेगाव पोलीस स्टेशन च्या हद्दीत एका व्यक्तीवर जीव घेणा हल्ला .
आरोपी अजिंक्य उर्फ पप्पु सुरेश भोसले व दोन अज्ञात व्यक्तींविरुद्ध माळेगाव पोलीस स्टेशन मध्ये गुन्हा दाखल .
SB 24 NEWS -प्रतिनिधी .
माळेगाव येथील शिवनगर येथील नितीन वसंतराव तावरे वय ५२ वर्षे .यांच्यावर अजिंक्य उर्फ पप्पु सुरेश भोसले व इतर दोन अनोळखी व्यक्तींनी लोखंडी रॉड ने जीव मारण्याचा प्रयत्न केला .
नितीन वसंतराव तावरे हे माळेगाव येथून केस कापून व केसाला डाय लावून स्वताच्या मोटार सायकलने घरी निघाले असता माळेगाव बु.गावच्या हद्दीतील माळेगाव शिरवली रोडवर असणार्या दफन भूमी जवळ आरोपी अजिंक्य उर्फ पप्पु भोसले च्या गाडीवर असलेले त्याचे दोन साथीदार (अनोळखी इसम ) यांनी तावरे यांना जीवे मारण्याच्या उद्देशाने फिर्यादी च्या मोटार सायकलला धडक दिली त्यांनी आणलेल्या लोखंडी रॉड नितीन तावरे यांच्या छातीवर मारुन त्यानां जीवे मारण्याची धमकी दिली .आमच्या विरोधात साक्ष देऊन गावच्या राजकारणात लय पुढे पुढे करतोस काय ?असे म्हणतं आरोपीने पुन्हा लोखंडी रॉड ने मारुन गाडीवरुन खाली पाडले .आरोपी सोबत असलेल्या दोन अनोळखी इसमांनी तावरे यांना लाथा बुक्या मारून गंभीर स्वरुपाची दुखापत तावरे यांना केली आहे .
नितीन वसंतराव तावरे यांनी माळेगाव पोलीस स्टेशन मध्ये अजिंक्य उर्फ पप्पु सुरेश भोसले व इतर दोन अनोळखीं विरोधात खुनाचा प्रयत्न (Attempt to murder )BNS 109 (1) , स्वेच्छेने दुखापत BNS 115 (2 ) ,126 (2 ) ,351 (2 ) ,(3) 352,3(5) या विविध भारतीय न्याय सहीते नुसार गुन्हा दाखल झाला असून पुढील तपास बारामती उपविभागीय अधिकारी चैतन्य कदम ,माळेगाव पोलीस स्टेशन चे प्रभारी अधिकारी कुंडलिक सपकाळ यांच्या मार्गदर्शना खाली पोलीस इन्स्पेक्टर देवीदास साळवे करीत आहेत.

SB 24 NEWS

SB 24 NEWS LIVE पोर्टल वर बातम्या व जाहीरातीसाठी

मुख्यसंपादक -शरद भगत.

संपर्क -7756089343

sb24news.live

The post माळेगाव पोलीस स्टेशन च्या हद्दीत एका व्यक्तीवर जीव घेणा हल्ला . आरोपी अजिंक्य उर्फ पप्पु सुरेश भोसले व दोन अज्ञात व्यक्तींविरुद्ध माळेगाव पोलीस स्टेशन मध्ये गुन्हा दाखल . appeared first on SB 24 NEWS.